baat shru hoi thi...

baat shru hoi thi
magar agey nahi barhi

maine jo kaha wo logo k shor mai
gum hogaya hawa k zor main
khizan k patton k sath
meray lafz bhi bikhar gaye
ehsaas ko zuban nai mili
khayal ko roshni nai mili
bhataktey rhe gardishon mai
chiragh benoor hogaye
andheray dastoor hogaye
mai hawaon mai urna chahti thi
jab urran bhari tu maloom huwa
meray pankh nazr-e-fatoor hogaye
waqt ki dor k sath bandhe hain
hum bhi tum bhi aur zamana bhi
kuch baatain ankahi reh jati hain
kuch gilay ansune reh jate hain
waqt agey barh jata hai
aur hum waheen kharey reh jate hain
gar peeche mur k dekhain tu
pathar k butt reh jate hain

baat shru hoi thi
magar agey nahi barhi